468 Бардыгы /

13- августта Париж Олимпиадасынын катышуучуларын жана байге ээлерин сыйлоо салтанаттуу азем болуп өттү.

Анда балбандарды “Манас” эл аралык аэропортунан олимпиадачыларды Мамлекеттик катчы Сүйүнбек Касмамбетов, Министрлер Кабинетинин Төрагасынын орун басары Эдиль Байсалов, ошондой эле курама команданын жакындары жана күйөрмандары тосуп алышты.

Кийин Турдакун Усубалиев атындагы аянттагы салтанаттуу иш-чара Олимпиада оюндарынын катышуучуларына арналган кыска метраждуу тасманы көрсөтүлдү.

Иш-чаранын жүрүшүндө күмүш байге алган балбандарга 10 млн сом жана бирден автоунаа, коло медаль ээлерине 7млн сом бирден автоунаа жана калган балбандар Айпери Медет кызына, Айаал Лазаревге, Бекзат Алмаз уулуна жана Амантур Исмаиловго 1 миллион сомдон жана бирден автоунаа берилди.

Ал эми Дзюдочулар Айбек Кубанычбек уулу менен Эрлан Шеров, суучулдар Елизавета Печорских менен Денис Петрашов жана балбан Эрназар Акматалиев 500 миң сомдон жана бирден автоунаа алышты.

Президент Садыр Жапаров акчалай сертификаттарды жана автоунаа ачкычтарын өзү тапшырды.

Ал эми машыктыруучулар жана медицина кызматкерлери да куру кол калган жок. Аларга да ар түрдүү млн суммадагы акчалай сертификаттар берилди.