3 Бардыгы /

Бүгүн, 2024-жылды 30-августунда Кара-Кыргыз автономиялуу облусунун түзүлгөндүгүнүн 100 жылдыгына карата 100 обьектинин ачылуу аземи өлкө башчыбыздын онлайн катышуусунда болду.

Алардын катарында “Кыргызстан УЭТ” ААКтын филиалы – Жалал-Абад электр тармактар ишканасынын Сузак электр энергиясын сатуу ишканасы да бар.

Ачылыш аземге “КУЭТ” ААКтын башкы директорунун орун басары Дүйшө уулу Уларбек, Жалал-Абад ЭТИнин директору Сүйүнбек Усенов , Сузак айыл аймагынын башчысы Даирбек Бакиров, энергетиктер жана жергиликтүү бийликтен өкүлдөр, айыл тургундары катышты. Буга чейин КРнын энергетика министри Таалайбек Ибраев Жалал-Абад электр тармактарына болгон иш сапарында Сузак электр энергиясын сатуу ишканасынын иаратынын авариялык абалын көрүп, жаңы курууну тапшырма кылган болчу.

Натыйжада КРнын Министрлер Кабинетинин төрагасынын орун басары Б.Торобаевдин, “КУЭТ” ААКтын башкы директору Алтынбек Рысбековдун, “КУЭТ” ААКтын директорлор кеңешинин төрагасы Атантай Турдубаевдин колдоосунда жана ЖЭТИнин директору Сүйүнбек Усеновдун пландуу жумуш жүргүзгөндүгүнөн, заңгыраган заманбап имарат тургузулду.

“КУЭТ” ААКтын башкы директорунун орун басары Дүйшө уулу Уларбек өз сөзүндө акыркы жылдардагы энергетика тармагындагы реформалардын жыйындысы зор көрсөткүч бергендигине токтолуп, Сузак районунун керектөөчүлөрүнө сапаттуу электр энергиясын берүүдө жакшы шарттар жаралып жаткандыгы менен куттуктады.

Ал эми Жалал-Абад электр тармактар ишканасынын директору Сүйүнбек Усенов,- Сузак электр энергиясын сатуу ишканасынын баштапкы абалы начар болсо да жумуш ыргагы өз нугунда жүргөн.

Эми кызматкерлерге түзүлгөн шарттар мыкты тейлөөгө өбөлгө болот. Мындай шарттарды түзүп, алдыда күз- кыш айларына чейин бир топ имараттарды ачууга бел байлап турабыз дейт. Сузак электр энергиясын сатуу ишканасынын имараты эскилиги жетип, кызматкерлердин иштөөсүнө жана керектөөчүлөрдү тейлөөдө ыңгайсыздык жаратып келген.

Анткени имарат бир кабаттан туруп, бөлмөлөрү тар, дубалдары жараксыз абалга кептелген болчу. Улам жылдан жылга абоненттер көбөюп, тар бөлмөдө иштөөгө туура келген.

Үстүбүздөгү жылдын капиталдык курулуш мерчемине киргизилип, авариялык абалдагы имарат толугу менен бузулуп, учурда жаңы салынды.Курулушка “КУЭТ” ААКтын өздүк эсебинен 14 млн. 500 миң сом каражат бөлүнгөн. Ал эми “Ширин Бизнес Групп” жоопкерчилиги чектелген коом менен келишим түзүлүп, сапаттуу курулуш бүттү.

Жаңы имарат 2 кабаттан, 8 бөлмөдөн турат. Мында кызматкерлердин иштөөсүнө да, керектөөчүлөрдү сапатуу тейлөөдө да ыңгайлуу шарт түзүлдү.Сузак электр энергиясын сатуу ишканасы Сузак районундагы 5 айыл өкмөттөн 36 764 керектөөчүнү тейлейт.

Белгилей кетсек, ишкананын административдик эски имараты 1950- жылы курулган. Сузак мамлекеттик администрациясынын балансында болуп, банк кызматы ишмердүүлүгүн жүргүзүп келген.

2001-жылдын 12-мартындагы № 12 буйругунун негизинде “Жалал-Абадэлектро” ААКнун балансына өткөн. Ошол убакыттан бери энергетиктер жумушту үзгүлтүккө учуратпай, өз ишмердүүлүгүн жүргүзүп келген.