33 Бардыгы /

Баткен облусунун Баткен районунун Ак-Сай айылында үй курган курулуш компаниянын директору бир нече алдамчылыкка шектелип акырында кармалды. Бул туурасынла Ички иштер министрлигинин басма сөз кызматынан билдиришти.

Маалыматка караганда, 2022-жылдын сентябрь айында Ак-Сай айылындагы 9 үйдүн курулушун жүргүзгөн курулуш компаниясынын директору 1990-ж.т. Г. У. аттуу жаран 2023-жылдын март айында Баткен шаарынын тургуну К.М. темир иштетүүчү цехинен 1145 403 сомдук темир курулуш материал сатып алып, акчасын он беш күндө беремин деп ишеничке кирип алдап, акчасын бербестен изин жашырып качып кеткен. Натыйжада жабырлануучуга 1 145 403 сом өлчөмндө зыян келтирилген.  Аталган факт боюнча Кыргыз Республикасынын Кылмыш-Жаза Кодексинин 209-беренеси (алдамчылык) менен кылмыш иши козголгон. Ошондой эле арыз менен Баткен шаарынын тургуну Ш.А. аттуу жаран кайрылып, 2022- жылдын октябрь айында курулуш компаниясынын директору 1990-ж.т. Г.У. ооз эки келишим менен күнүнө 20 сомдон деп 100 даана опалубка алып, 2023-жылдын күз мезгилинде 50 даана опалубканы бердирип жиберип, калган 50 даана опалубканы жана ижара акысын бербестен качып кеткен.   Натыйжада жабырлануучуга 250 000 сом өлчөмдө материалдык зыян келтирилген. Бул факт боюнча Кыргыз Республикасынын Кылмыш-Жаза Кодексинин 209-беренеси менен кылмыш иши козголгон.

Ички иштер министрлигинин Кылмыш иликтөө башкы башкармалыгынын кызматкерлери жашырынып жүргөн курулуш компаниясынын директору 1990-ж.т. Г.У. аттуу жаранды Бишкек шаарынын аймагынан кармап, тергөө кызматына өткөрүп беришти. Ушул тапта кылмыш иштери боюнча тергөө кызуу улантылууда.

Алишер ТОКСОНБАЕВ, өз кабарчы