27 Бардыгы /

Кара-Кыргыз автоном облусунун түзүлгөндүгүнүн 100 жылдыгынын урматына Ош облусунда “Мыкты боз үй” кароо-сынагы болду. Анда кыргыз калкынын улуттук баалуулуктары, кылым карыткан маданияты, турмуш-тиричилиги кең-кесири даңазаланды. 

“Мыкты боз үй” кароо-сынагына Ош облусунун бардык жети району тең абдан жигердүү катышты. Майрамдык иш-чарада маданият кызматкерлеринин аткаруусундагы Кыргыздын залкар ыр-күүлөрү жана бийлери дагы аткарылды.

Жйынтыгында Араван районунун акими Сейтек Кулубаев жана анын орун басары Аида Рахманова тиктирген боз үй жеңүүчү деп табылып, Кыргыз Республикасынын президентинин Ош облусундагы ыйгарым укуктуу Өкүлү Элчибек Жантаев тарабынан диплом жана 35 00 сом акчалай сыйлык менен сыйланды.

Алишер ТОКСОНБАЕВ өз кабарчы