9 Бардыгы /

Күн сууктап, жайкы өрт кооптуу аяктап, кышкы өрт кооптуу мезгил башталды. 

Кышкы  өрт кооптуу мезгилдин башталышы менен мештерге от жагуудагы, электр жылытуучу приборлорду колдонуудагы эрежелердин бузлушунан улам турак-жай секторунда өрттөрдүн күч алуусу күтүлөт.      

Жыл башынан ушул күнгө чейин Жалал-Абад шаарынын  аймагында 61 өрт катталса, анын 24 турак-жай секторунда катталып өрттүн кесепетинен 18560331 сомдук зыян келтирилген. 

Жалал-Абад шаары боюнча ӨК бөлүмү от жагуу мезгилинде өрт кырсыктарын жана мештен чыккан ис газына ууланууларды алдын алуу максатында жарандарды күнүмдүк турмушта, от жагууда жана электр жылытуучу приборлорду колдонууда өрт коопсуздук эрежелерин сактап, мештерди жана жылытуучу электр приборлорун дайыма оң абалда кармап, мештердин морлорун тез-тез тазалап турууну, жылытуучу электр приборлорун коопсуз жайга орнотууну, жаш балдарды кароосуз калтырбоону  эскертет.

 Меш аркылуу от жагып жылытууда төмөнкүлөргө тыюу салынат: 

1) от күйүп жаткан мешти кароосуз калтырууга, ошондой эле көзөмөлдөөнү балдарга тапшырууга; 

2) отунду, башка күйүүчү заттарды жана материалдарды төшөлгөн темирдин бетине калтырууга; 

3) желдеткич жана газ каналдарын мор катары пайдаланууга; 

Мештен чыккан күл менен шлак суу куюп өчүрүлүп, атайын бөлүнгөн жерге төгүлүүгө тийиш. 

Эскерте кетебиз, шаардык өрткө каршы кызматынын телефону «101» же “112”

Жалал-Абад шаары боюнча Өзгөчө кырдалдар бөлүмүнүн 

өрт өчүрүү жана алдын алуу бөлүмчөсүнүн  башчысы

  майор                                                                  А.Иманов