30 Бардыгы /

Жалал –Абад областы Ала –Бука районуна караштуу №12 А.Атамов атындагы жалпы билим берүүчү орто мектебинде Буткул дүйнөгө белгилүү, таланты таш жарган залкар жазуучу Ч.Айтматовдун элесине арналган

“ Өчпөс болуп из калтырып алыста,

                                    Улуу Чыңгыз жашап калат кыргызда”

темасында   сабак конференция болуп өттү.

Конференцияны 9-А класс окуучулары өткөрдү. Сабак конференция 5 багытта уюштурулду.

1.  багыт Залкар жазуучуга арналган ырларды көркөм окуу менен башталды.

            Жарк этип, жарык чачты көктө жылдыз,

           Кубанып сыймыктанды бүтүн кыргыз.

           Дуйнөгө кыргыз деген ат таанытып ,

           Дүйнөнү дүңгүрөттү биздин Чыңгыз!

 Жазуучунун өмүр баяны чыгармачылыгы тууралуу  окуучулардын билим деңгээли 2-багытта аныкталды.

  “Уй-бүлө”категориясы

    1.Чоң энеси   (Айымкан)

    2.Жубайы   (Керез , Мариям )

    3.Чыңгыздын кызы  (Ширин)

                                 “С” категориясы

1.Алтынайдын фамилиясы      ( Сулайманова )

2.“Бетме-бет” чыгармасындагы Ысмайыл эмнеден качты?  ( согуштан)

3.“ Кылым карытар бир кун “ чыгармасындагы маңкурттун аты ким? Жоломан – Сабитжан

            “ Сан” категориясы

1.Ч.Айтматов качан туулган? (1928-жылы)

2.Ч.Айтматовдун чыгармалары канча тилге которулган? (176 тилге которулган)

3.Канча жашында биринчи эмгек акысы катары бир жилик эт алган ? (12 жашында)

     Кайсы окуучу жазуучунун өмүр баяны чыгармалары боюнча көп  маалымат айта алат деген суроого 3-багытта 5окуучу жооп берди.  Калеми менен дүйнөнү терметкен жазуучунун чыгармалары кино тасмаларга тартылган. Азыркы учурда да бул кино тасмалар күйөрмандарга өзүнүн зор таасирин берип турат . Окуучулар да жазуучунун чыгармаларынан үзүндүлөр даярдап сахнада коюп беришти.

  Коюлган сахналык көрүнүштөр конференция катышуучуларынын көздөрүндө да образдарга өкүнүчтүү сүйүү жаштарын калкып турушуна себепчи болду.

   Бул сабак конференция окуучулардын Ч.Айтматовдун чыгармаларын

окуп, изилденип эркин пикир билдирүүлөрүнө түрткү болду. Окуучулар өз алдынча  алтынга тете чыгармаларга сүрөттөр тартышты. Конференция Ч.Айтматов жана анын чыгармаларын кадырлоо, түбөлүккө сактоо максатына багытталып,мыкты даярдык менен сапаттуу өттү.

Д. Абдукодирова, Ала-Бука районуна караштуу №12 А.Атамов атындагы жалпы билим берүүчү орто мектебинин кыргыз тили жана адабият мугалими