39 Бардыгы /

Баткен облусунда 2024-жылдын жыйынтыгы менен аймактагы 5 айыл өкмөтү дотациядан чыгарылды. Бул тууралуу облустун 2024-жылдагы социалдык-экономикалык өнүгүүнүн жыйынтыктыгын чыгарган жыйында айтылды.

Аталган жыйынга президенттин Баткен облусундагы өкүлү Айбек Шаменов баштаган коллегия мүчөлөрү жана дагы облустун активи катышты. Коллегияда облустун экономикалык жана социалдык тармактарында аткарылган иштер боюнча кеңири маалымат жайылтылып, андан ары суроо-жооп менен олуттуу маселелер кең-кесири талкууланды.

Өткөн жылдын жыйынтыгы менен облуста бардык багыттарда белгиленген пландар ашыгы менен аткарылды. Ошентип, Баткен облусунда Беш айыл өкмөтү – Кадамжай районунун Масалиев, Майдан, Ак-Турпак, Исхак-Полотхан жана Үч-Коргон айыл өкмөттөрү дотациядан бошонду. Коллегиянын жүрүшүндө облус башчысы Айбек Шаменов облусту өнүктүрүү боюнча жетекчилерге бир катар тапшырмаларды дагы койду.

Аталган облустук коллегиянын соңунда жылдын жыйынтыгы менен «Мыкты район» деп Кадамжай району, ал эми «Мыкты шаа» деп Кызыл-Кыя шаары табылды.

Алишер ТОКСОНБАЕВ, өз кабарчы