5,791 Бардыгы /

2013-жылдын 25-октябры күнү Таш-Көмүр шаарында шаардык өзгөчө кырдаалдар бөлүмүнүн башчысы, лейтенант Н.Медетбековдун жетекчилиги астында «Кырсыктардын коркунучун азайтуунун Эл аралык күнү» өткөрүлдү.
Иш-чарага КР ӨКМнин № 82212 -аскердик бөлүгүнүн, 6-ӨТТККВнын, шаардык өрт коопсуздук бөлүмүнүн өздүк курамдары, ошондой эле, Таш-Көмүр шаарындагы №8 мектептин турмуш тиричилик коопсуздугунун негиздери сабагынан окуткан мугалимдери жана окуучулары катышышты.
Иш-чаранын алкагында жыйын өткөрүлүп, андан кийин КРнын өКМнын №82212-өзүнчө куткаруу отрядынын куткаруучуларынын иш аракеттеринде колдонулуучу аппараттары, өрт коопсуздугу бөлүмүнүн өрттү өчүрүүдөгү колдонулуучу техникалары жана № 6 Тоо-кен кырсыгынан куткаруу взводунун куткаруучулары жер астына, туннелдерге кирүүдө колдонулуучу дем алуучу аппараттары менен келген окуучу, мугалимдер толук тааныштырылды. Андан соң куткаруучулар тарабынан адам өмүрүн сактоо боюнча практикалык иш чаралар көргөзүлдү. Соңунда шаардык өзгөчө кырдаалдар бөлүмүнүн башчысы тарабынан өзгөчө кырдаалдарда өзүн алып жүрүү жана сактануунун жолдору тууралуу мугалим, окуучуларга түшүндүрмөлөр берилип, аягында мектептерге КР ӨКМи тарабынан берилген плакаттарды таркатуу менен аяктады.
Келген коноктор жана мугалимдер ыраазычылыгын билдирип, мындай иш чаралардын тез-тез болуп турушун каалашты.

Н.Медетбеков,
ӨКМнин Таш-Көмүр шаардык
бөлүмүнүн башчысы, лейтенант