1,662 Бардыгы /

БИШКЕК. Кыргыз Республикасынын Президенти Сооронбай Жээнбеков өлкөбүздүн Ички иштер министри КашкарЖунушалиевди кабыл  алды.

Кыргыз Өкмөтүнүн мүчөсү Кашкар Жунушалиев адегенде өткөн жылдын жыйынтыгы жана 2019-жылга карата план-программалары туурасында кеңири баян этти. Буга улай соттук-укуктук реформанын алкагындагы милдеттерди жүзөгө ашыруу, жемкорлук менен аесуз түрдө  күрөшүү,ички иштер органдарынын катарын таза эмес кызматкерлерден биротоло тазалоо боюнча көрүлүп жаткан чаралар жөнүндө дагы ачык-айкын маалымат берди.

Ички иштер министринин маалыматына караганда,2019-жылдын январында эле 10 миңден ашуун кылмыштар жана жоруктар катталса, былтыркы жылдын январында 2миңге жетпеген кылмыштар гана катталган. Муну министр бардык кылмыштардын бирдиктүү реестрде катталып, натыйжада кылмыштарды жаап-жашыруу азайгандыгына бекем байланыштырды. Кашкар Жунушалиев ошондой эле коомдо абдан чоң талкууну жараткан, мунун ичинде милиция кызматкерлери дагы айыпталып жаткан кылмыштар туурасында дагы так билдирүү жасады.

–         Ички иштер органдарынын кызматкерлеринин арасындагы кылмыштардын бетин ачуу дагы көбөйдү. Бул жемкорлук менен аеосуз түрдө күрөштүн жана Ички иштер министрлигине жүзөгө ашырылып жаткан реформанын жыйынтыгы десем жаңылышпаймын. Албетте, айыптуу милиция кызматкерлери бүт мыйзамга ылайык жазасын алышат. Биз мындан ары дагы таза жана ачык жумушту жүргүзүүнү сөзсүз улантабыз! – деп ишендирди Ички иштер министри Кашкар Жунушалиев. 

– Ал эми жемкорлук менен күрөшүү жаатында өздүк курамдынарасындажумуш ыраса күчөтүлдү.Жарандарды арыздарын жана даттанууларын кароого формалдуу мамиле жасоо фактыларын таптакыр болтурбоого далалатыбыз күч!

Өз кезегинде Президент Сооронбай Жээнбеков кыргызстандыктар Ички иштер органдарынан кылмыштуулук менен күрөшүүдөгү олуттуу жыйынтыктарды,тартип жана коомдук коопсуздукту камсыздоо боюнча натыйжалуу иш-аракеттерди дагыле күтүп жатышкандыгын катуу эскертти.

–         Коомчулуктун Ички иштер органдарына карата терс сын- пикирлеринин көбөйгөндүгүн көңүлгө бекем түйүп, Ички иштер министрлиги өздүк курамды таза эмес кызматкерлерден тазалоо боюнча бүгүнкү ишин мындан ары дагы ырааттуу улантууга тийиш! Республиканын Ички иштер органдарындагы реформалар биринчи кезекте милиция кызматкерлеринин коомчулук алдындагы жоопкерчилигин гана жогорулатууга багытталганы оң! Жарандар «Менин милициям мени коргойт!» деп кайрадан ишеним менен айткандай деңгээлгесөзсүз жетишибиз абзел! —деп баса белгиледи СооронбайЖээнбеков.

Жолугушуу соңунда Мамлекет башчысы Сооронбай Жээнбеков ошондой эле Ички иштер министрлигинин жол коопсуздугун камсыздоочу бөлүктөрүн токтоосуз реформалоого багытталган иш-чараларды күчөтүүнүн зарылчылыгын дагы баса белгиледи.

Алишер ТОКСОНБАЕВ, өз кабарчы