1,424 Бардыгы /

БАТКЕН.  Баткен облусунун жаштары аймактагы өтө олуттуу көйгөйлөрдү санактап, Президент Сооронбай Жээнбековго атайын кат жолдошту.

– Себеби,элет жергесинде жаштар үчүн убакытты туура жана пайдалуу өткөрүүсүнө эч кандай шарттар жок! Эң башкысы: мунун кесепетинен жаштар чек ара чыр-чатактарына көбүрөөк аралашып калган фактылар өтө арбын катталып жатат, – деп тызылдады 
«Жаш лидерлер» Академиясынын демилгечиси Адилет Салимбай уулу.

Ошондуктан, Баткен жергесинин улан-кыздары Президент Сооронбай Жээнбековго атайын Кат жолдошуп, анда Баткен шаар мэриясынын, Айыл Өкмөттөрүнүн алдындагы Жаштар иштери боюнча комитеттеринин ишин жандандырууну, атайын штаттык бирдик бекитип берүүнү жана муну үчүн өзүнчө каражат бөлүүнү, айыл-кыштактарда көп тармактуу жаштар борборлорун ачып, анда жаштардын ар кандай курстардан билим алуусуна шарттарды жаратууну, китепканаларда электрондук китепкана уюштурууну жана китеп фондуларын заманбап жаңылоону, жаштарды китеп окууга тартуу максатында атайын программаларды иштеп чыгууну, жаш мугалимдердин депозитин жандандырууну, Чек аралаш өлкөлөр  мененишенчиликтүү жана туруктуу мамиле курууга багытталган атайын Мамлекеттик Программаларды кабыл алууну суранышты.

Баткендик жаштардын мындай саамалыгына Кыргыз Президети кандай реакция кылат? Улан-кыздардын демин суутпас бекен? Муну убакыт гана көрсөтөт.

 Алишер ТОКСОНБАЕВ, өз кабарчы