776 Бардыгы /

Нур-Султан соту былтыр күзүндө журналист Ирина Бекетованы өлтүрүүгө шектелип кармалган жергиликтүү тургун Анатолий Гусейновду 11 жылга эркинен ажыратты. Мындан тышкары ал компенсация катары журналисттин үй-бүлөсүнө алты миллион теңге (15,8 миң доллардан ашык) төлөп берүүгө милдеттендирилди.

Ишти караган судья Вероника Семенова соттолуучунун күнөөсү соттук-медициналык экспертизанын корутундусу жана эки күбөнүн көрсөтмөсү менен ырасталганын билдирди.

Анын айтымында, Гусейнов айыптоолорду толук мойнуна алган эмес. «Ал журналистти бетке бир нече жолу урганын четке каккан жок. Бирок Бекетованы өлтүргүсү келбегенин айтты», — деди судья.

37 жаштагы журналисттин сөөгү былтыр 25-сентябрда өзү жашаган көп кабаттуу үйдүн алдында табылган. 28-сентябрда полиция бул кылмышка шектелген Анатолий Гусейновду Акмоло облусунун Аршалы районунда кармаганын билдирген.

www.