2,063 Бардыгы /

ОШ. Ош гуманитардык-педагогикалык институтунда “Ааламдашуу шартындагы билим берүүнүн, тарбиялоонун абалы жана өнүгүү тенденциялары” темасында Эл аралык илимий-практикалык симпозиум өткөрүлдү.

Симпозиум 2019-жыл Аймактарды өнүктүрүү жана жана өлкөнү санариптештирүү жылынын алкагында жүрдү. Негизги максаты – ааламдашуу шартында билим берүү тармагында балдарды тарбиялоо жана билим агартуу жаатындагы көйгөйлөрдү ыкчам чечүү. Мындан тышкары ушул тапта жетишкендиктерди жана маселелерди кенен-чонон талкуулоо.

– Симпозиумда көптөгөн маселелер кабыргасынан коюлуп, аларды аны чечүүнүн жолдору дагы сунушталды. Өлкөбүздө билим берүүнүн деңгеээлин көтөрүүү үчүн мугалимдердин дагы дараметин сөзсүз токтоосуз түрдө жогорлатуубуз абзел! Муну үчүн окутуулар, семинарлар байма-бай өткөрүлүп жатат. Азыркы учурда мугалимдерге эмне жетишпейт, алар негизинен эмнеге муктаж? Мына ушул суроонун айланасында агартуучулар арасында сурамжылоо дагыф жүргүздүк. Алардын пикирин билип, мүмкүнчүкүлтөрдү жаратып берүүгө мындан ары катуу аракет жасайбыз. Буюрса, мындай далалат акыры жакшы натыйжасын берет деген үмүт чоң! – деди билим берүү Академиясынын президенти Алмазбек Токтомаметов.

Ошентип, эки күнгөн созулган иш-чарага республикабыздын бардык окуу жайларынан окутуучулары, мектеп мугалимдери, Казакстандан, Америкадан жана Түркиядан атайын чакырылган коноктор катышышты.

Алишер ТОКСОНБАЕВ, өз кабарчыбыз