971 Бардыгы /

Тажик парламентинин төмөнкү палатасынын депутаттары 29-майда «Аскердик абал тууралуу» мыйзам долбоорун жактырышты. Документ аскердик абал маалында өлкө коргонуусун камсыз кылуу үчүн бийликке жарандардын мүлктөрүн пайдаланууга жана жергиликтүү ЖМКларга цензура киргизүүгө уруксат берет.

«Аскердик абал тууралуу» мыйзам сырттан агрессия болгон учурда жарандарды өлкөнү коргоого милдеттендирет. Аскердик бийлик элдин мүлкүн пайдала алат. Бирок конфискацияланган мүлк же автоунаа үчүн жарандарга компенсация төлөнүп берилет.

«Аскердик абал маалында ыйгарым укуктуу органдарга байланыш менен басылмаларды көзөмөлдөө, маалымат каражаттарына цензура киргизүү артыкчылыктары берилет», — деп жазылган мыйзам долбоорунда.

​Тажикстандын Конституциясына ылайык, өлкө аймагында же анын айрым бир бөлүгүндө аскердик абал мамлекет башчы тарабынан жарыяланат. Ошол эле маалда президенттин тиешелүү жарлыгы парламенттин эки палатасынын биргелешкен жыйынында жактырылышы керек.

www.