1,467 Бардыгы /

22-24-июнь күндөрү Кыргызстандын бардык мектептеринде бүтүрүүчүлөргө аттестаттар берилет. Буга байланыштуу Жалал-Абад облусундагы милиция кызматкерлери күчөтүлгөн тартипте кызмат өтөшөт. Мектеп бүтүрүүчүлөрүнүн жайкы эс алууларды уюштуруп, тоо койнунда көңүл ачууларына жол берилбейт.

Жаштардын кымбат баалуу машиналар менен кыдыруусун болтурбоо максатында жол кыймылынын коопсуздугун камсыздоо кызматынын жана “Шумкар” АБПнын кызматкерлери менен биргеликте мобилдик топтор түзүлүп, трассаны, ички көчөлөрдү тыкыр көзөмөлгө алышат. Бүтүрүүчүлөрдүн коопсуздугун камсыздоо багытында милиция тарабынан ар түрдүү түшүндүрүү иш-чаралары жер-жерлерде өткөрүлүүдө.

Ар кандай кырсыктардын алдын алуу максатында ата-энелер өз балдарына кам көрүп, алардын кайда жүргөндүгүн көзөмөлгө алып, мектептен сырткары эч жакка чыгарбоо керектигин эскертишүүдө.

Жалал-Абад ОИИБнин басма сөз кызматы