907 Бардыгы /

13 жыл мурдагы Шанырак окуяларынан кийин камакка алынган акын жана диссидент Арон Едигеевдин кызы 14-июль күнү кечинде полиция тарабынан Алматыда кармалды.

27 жаштагы Айдана Айдархан аянтта атасынын ырларын окуп, поэтикалык акция өткөрүп жаткан. Акция маалында ал колуна атасынын сүрөтүн жана «Акын камакта» деген сөздөр жазылган кагаз кармап турган.

Акындын кызы бул акцияны 2006-жылы 14-июлда болгон Шанырак айылындагы окуяларга байланыштуу 18 жылга соттолгон атасын жана ушул эле иш боюча 16 жылга кесилген Курмангазы Утегеновду колдоп өткөрүп жатканын билдирди.

Бирок акция башталганына болжол менен 20 мүнөт болгондон кийин полиция кызматкерлери келип, Айдана Айдарханды кармап кетишти.

Арон Едигеев өзүнө тагылган «массалык башаламандык уюштуруу» айыбын четке кагып, абакта казак бийлигин сындаган ырларды жана макалаларды жазып келет.

www.