1,028 Бардыгы /

ВОЛОКОЛАМСК. Кыргыз Республикасынын Орусиядагы Элчилигинин атайын делегациясы Аскердик даңктагы Волоколамск шаарынын негизделгендигинин 884 жылдыгын белгилөөгө арналган иш-чараларга катышышты.

Майрамдык иш-чаралар Волоколамск шаардык Кеңешинин Төрагасы Л.А.Демидованын, Волоколамск шаарынын администрация башчысынын орун басары Т.В. Мозолдун жана Волоколамск муниципалдык районунун башчысы М.И. Сылка мырзанын куттуктоолору менен башталды.  Ошондой даңктуу Волоколамск шаарынын салттуу майрамында Кыргызстандын Орусиядагы Элчилигинин кеңешчиси А.Мамбетсеитов катышып, Советтер Союзуна баскынчылык менен кирген немецтик-фашисттик аскерлерден коргоодо шаардын олуттуу ролун баса белгиледи. Волоколамск шаарынын аймагын коргоодо курман болгон Советтик аскерлердин, мунун ичинде кыргызстандыктарын элесин ыйык сактоо менен түбөлүк эскерүү таазимдери үчүн шаардын жашоочуларына терең ыраазычылыгын билдирди.

Волоколамск шаарынын мааракесин майрамдоо алкагында кол өнөрчүлүк көргөзмөсү уюштурулуп, шаардын ардактуу жашоочулары сыйланып, Волоколамск аймагынын өздүк көркөм чыгармачыл жамааттарынын, аймактагы белгилүү искусство чеберлеринин катышуусу менен концерт дагы уюштурулду.

Алишер ТОКСОНБАЕВ, өз кабарчы