808 Бардыгы /

ИСЛАМАБАД. Исламабад шаарында Кыргызстандын Пакистандагы Элчиси Э. Бейшембиев Пакистандын Тышкы иштер министрлигинин Борбордук Азия өлкөлөрү жана ЭКУ боюнча Департаментинин жаңы башчысы Хасан Афзал Хан менен жолугушту.

Жолугушуу жүрүшүндө тараптар Бишкекте үстүбүздөгү жылдын 13-14-июнунда Пакистандын уюмдун жаңы мүчөсү катары активдүү катышуусу менен өткөн ШКУ Саммитинин жыйынтыгын талкуулашты. Тараптар ошондой эле 2019-жылдын 4-чү бөлүмүндө өтө турган соода-экономикалык жана илимий-техникалык кызматташтык боюнча Кыргыз-Пакистан Өкмөттөр аралык комиссиянын 4-жыйынынын жана Кыргыз-Пакистан Ишкер Кеңешинин маселелерин  дагы талкуулашты. Буга улай соода-экономикалык кызматташтыкты өнүктүрүү тууралуу кеп жүрүп, аймактык транспорт байланышынын маанилүүлүгүн эске алуу менен Кыргыз тарабы «Пакистан-Кытай-Кыргызстан-Казахстан ортосундагы транзиттик ташуу боюнча төрт тараптуу келишимдин» негизги потенциалын өнүктүрүү маселелерин кайрадан көтөрдү.

Жолугушуунун соңунда тараптар эки өлкөнүн ортосундагы бардык чөйрөлөрдө мамилелерди андан ары өнүктүрүү максатында бири-бирине болгон берилгендигин дагы ачык билдиришти.

Алишер ТОКСОНБАЕВ, өз кабарчы