745 Бардыгы /

МОСКВА. Кыргызстандын билим берүү жана илим министри Гүлмира Кудайбердиева М. В. Ломоносов атындагы Москва мамлекеттик университетинин (ММУнун) ректору Виктор Садовнич менен жолугушту.

Сүйлөшүүнүн жүрүшүндө жол картасы кеңири талкууланып, буга ылайык М. В. Ломоносов атындагы Москва мамлекеттик университетинин Кыргызстанда филиалын ачуу жагы катуу караштырылды. Кыргызстандын Орусиядагы Элчиси Аликбек Жекшенкулов да катышты.

-2020-жыл Кыргызстан жана Орусия мамлекеттеринин башчылары тарабынан Кыргыз-Орус кызматташтыгы жылы деп жарыялангандыгына байланыштуу  Кыргызстандын билим берүү жана илим министрлиги М. В. Ломоносов атындагы Москва мамлекеттик университетинин (ММУнун) Кыргызстанда филиалын ачууну сунуштаган. Бул демилге акыры колдоо тапты, – деди Кыргызстандын билим берүү жана илим министри Гүлмира Кудайбердиева.

Ошентип, келерки жаңы окуу жылынан тартып М. В. Ломоносов атындагы Москва мамлекеттик университетинин Кыргызстандагы филиалы алгачкы студенттер тобун окута баштамакчы.

Алишер ТОКСОНБАЕВ, өз кабарчы