788 Бардыгы /

Казакстан Индустрия жана инфраструктуралык өнүгүү министрлиги курал-жарак сакталган кампада жарылуу болгон Арыс шаарындагы 5 776 үйдө “негизги калыбына келтирүү жумуштары” бүткөнүн билдирди

Министрликтин маалыматына караганда, калыбына келтирилген үйлөрдүн 2529унда жеңил-желпи ремонт иштери уланууда. Жумушчулар көп кабатуу төрт үйдү пайдаланууга берди, дагы 17 көп кабаттуу үйдө капиталдык ремонт аяктады. Шаарды калыбына келтирүү жумуштарына канча акча кеткени айтылган жок.

24-июнда Түркстан облусунун Арыс шаарындагы жарылуудан үйлөрдүн 85% зыянга учурап, 20дан ашуун турак-жай өрттөнүп кеткен. Өкмөт калааны бюджеттик каражат, демөөрчүлөрдүн жардамы жана элден чогулган акчага калыбына келтирүүгө убада кылган.

Ок-дары сакталган кампадагы жарылуудан расмий маалымат боюнча үч киши мерт болгон. Анын экөө аскер адамы, бири карапайым тургун. Дагы бир наристенин абалы оор, учурда ал ооруканада.

www.