857 Бардыгы /

Душанбедеги бир катар ири парктарга кирүү акылуу болуп калды. Калаа бийлиги мындай чечим Монополияга каршы күрөшүү кызматы менен макулдашылып, чогулган акча парк аймактарын оңдоого жумшала турганын билдирүүдө.

Маалыматка караганда, учурда Фирдавси, Айни жана «Умари Хаём» парктарына, ошондой эле Ботаникалык бакчага кирген жарандардын ар биринен эки сомониден алынууда. Жети жашка чейинки балдар менен майып адамдар бекер киришет. Мындан тышкары бул парктардын ичиндеги балдар аянтчасы, аттракциондор жана көңүл ачуу жайлары үчүн өзүнчө акы алынат.

Калаа бийлигинен билдиришкендей, парктардын ичиндеги аталган жайлар ишкерлер тарабынан курулуп, иштетилет. Алар андагы жер аянты үчүн ай сайын мамлекетке ижарага акысын төлөп турушат.

Учурда Душанбеде жалпысынан 17 парк жана сквер иштейт.

www.