939 Бардыгы /

БИШКЕК. Кыргыз Республикасынын Президенти Сооронбай Жээнбеков «Улуттук энергетикалык холдинг компаниясы» ААКнын башкармалыгынын төрагасы Айтмамат Назаровду кабыл алды. Анда өлкөнүн энергетикалык коопсуздугун бекемдөө, энергетикалык тармакты реформалоо, алдыдагы кыш мезгилине даярдык боюнча чаралар талкууланды.

– Энерготармак, чындыгында, токтоосуз реформаларга гана муктаж! Шаарлардын жана аймактардын тургундарыүзгүлтүксүз электр энергиясы менен камсыз болушу керек! — деп баса белгиледи Президент Сооронбай Жээнбеков.

Мамлекет башчысы андан ары экономика тармактарына, ишкерлик субьектилерине үзгүлтүксүз электр энергиясын берүүнүн, кубаттуулуктун резервин толук кандуу камсыздоонун маанисин дагы белгиледи. Коңшу мамлекеттер менен суу-энергетикалык ресурстарды биргелешип сарамжалдуу пайдалануу маселелери боюнча кызматташууну бекемдөө зарылдыгын дагы баса белгиледи.

Соңунда «Улуттук энергетикалык холдинг компаниясы» ААКнын башкармалыгынын төрагасы Айтмамат Назаров энергообьектилердеги штаттан тышкаркы абалдарды болтурбоо чаралары, энергокомпанияларда «акылдуу эсептегичтерди» орнотуу, электроэнергияны сатуу рыногун кеңейтүү, кошумча кубаттуулук резерви жана аймактык өнүктүрүү саясатынын алкагында бул жылы ишке киргизилген обьектилер жөнүндө кеңири баян этти.

Алишер ТОКСОНБАЕВ, өз кабарчы