721 Бардыгы /

БИШКЕК. Экономиканын түрдүү секторлорунда инвестициялык кызматташтыктын келечеги талкууланды. Мамлекет башчысы Сооронбай Жээнбеков баса белгилегендей, Кыргызстан чет элдик инвесторлор үчүн ар дайым ачык жана өлкөнүн социалдык-экономикалык долбоорлорун ишке ашырууда чет элдик өнөктөштөрдүн инвестицияларын кабыл алууга даяр.

Президент Сооронбай Жээнбеков аймактарды өнүктүрүү, санариптештирүү, таза суу менен камсыз кылуу, ирригациялык тутум,социалдык обьектилердин курулушу, энергетика жана башка тармактарда биргеликте кызматташууга даяр экендигин дагы билдирди. Ал эми «Аль Бавани Ко ЛТД» аткаруучу директору Фахер Аль Шаваф Кыргыз Мамлекетинин башчысына компаниянын Кыргызстандын ички рыногунда инвестициялоо боюнча пландары тууралуу айтып берди. Ал «Аль Бавани Ко ЛТД» компаниясы рынокто 50 жылга жакын ийгиликтүүиштептаанылгандыгынбасабелгиледи.

Фахер Аль Шаваф белгилегендей, компания узак мөөнөттүү негизде ата мекендик экономиканын бардык ири тармактарында жана социалдык чөйрөдө долбоорлорду жүзөгө ашырууга каражаттарды салат. Ал «Аль Бавани Ко ЛТД» компаниясы Президент Сооронбай Жээнбековдун Сауд Аравиясына расмий визити астында реалдуу долбоорлорду көрсөтүүнө даяр экендигин кошумчалады. Сооронбай Жээнбеков потенциалдуу инвесторлор менен кызматташууну арттыруу үчүн тийиштүү мамлекеттик органдар тарабынан зарыл болгон иш-аракеттер жүргүзүлөрүн катуу убадалады.

Алишер ТОКСОНБАЕВ, өз кабарчы