1,105 Бардыгы /

Тажикстандык адвокат Бузургмехр Ёров Вацлав Гавел атындагы сыйлыкка көрсөтүлдү. Сыйлык Европа Кеңешинин Парламенттик ассамблеясы (ПАСЕ) тарабынан адам укугун коргогон ишмерлерге берилет.

Сыйлыктын жаңы ээси расмий түрдө ПАСЕнин 30-сентябрдагы пленардык сессиясында жарыяланат. Ага Ёровдон тышкары уйгур укук коргоочусу Илхам Тухти менен Youth Initiative for Human Rights уюму көрсөтүлгөн.

Борбор Азиядагы адам укуктары бирикмесинин башчысы Надежда Атаева белгилегендей, Бузургмехр Ёров өз эркиндигин тобокелге салып, «Ислам кайра жаралуу партиясынын» мүчөлөрүнүн укуктарын коргогон. «Буга жооп кылып бийлик жасалма иштердин негизинде аны соттоп, туугандарын куугунтукка алды», — деди Атаева.

Бузургмехр Ёров Тажикстанда тыюу салынган «Ислам кайра жаралуу партиясынын» соттолуп жаткан мүчөлөрүнүн укуктарын коргой баштагандан кийин 2015-жылы сентябрда кармалган. 2016-жылы октябрда Душанбе шаардык соту ага катаал режимдеги абакка 23 жылга эркинен ажыратуу өкүмүн чыгарган. Ошол эле айда Ёровго каршы «Бийлик өкүлүн кемсинтүү» жана «Сотту сыйлабоо» беренелери боюнча кылмыш иши козголгону белгилүү болгон. Бул айыптар боюнча анын жаза мөөнөтүнө дагы эки жыл кошулган.

Кийинчерээк Бузургмехр Ёровго каршы алдамчылык жана тажик президентин кемсинтү айыптары менен төртүнчү кылмыш иши козголгон.

www.