1,052 Бардыгы /

2018-жылы жайында чет элдик туристтерге кол салуу айыбы менен өмүр бою эркинен ажыратылган Хусейн Абдусамадовдун агасы Бахтиёр Абдусамадов Вахдат колониясындагы тополоңду даярдоого жана катышууга күнөөлөнүүдө.

Бирок Бахтиёрдун туугандары ал көп жылдан бери кургак учук менен жабыр тартып жүргөнүн, түрмөдөгү баш аламандыктарга катышпаганын билдиришүүдө. 38 жаштагы Бахтиёр Абдусамадов кылмыштуу топ түзүүгө катышуу, чет элдик жарандардын Тажикстандын чек арасы аркылуу мыйзамсыз өтүшүнө көмөктөшүү айыбы менен 16 жылга соттолгон. Мунапыс менен анын мөөнөтү 4 жылга кыскарган.

Учурда Бахтиёр Абдусамадов түрмөдө баш аламандык уюштурулуп жатканын билип туруп, бул тууралуу кабарлабаганы жана козголоңчуларга кошулганы үчүн күнөөлөнүүдө. Аны менен кошо дагы 20дан ашуун кишиге айып тагылган.

Маалыматтарга караганда, прокуратура Вахдат түрмөсүндөгү топтолоң ишин иликтеп бүттү. Жакында кылмыш иши Жогорку соттун кароосуна жөнөтүлөт.

Быйыл май айында баш калаа Душанбеден 15 чакырымдай алыстыктагы Вахдат түрмөсүндө тополоң чыгып, андан баш-аягы 32 кишинин өмүрү кыйылган.

www.