1,071 Бардыгы /

Үстүбүздөгү жылдын 22-октябрында К.Ш.Токтомаматов атындагы Эл аралык университетинде (ЭАУ) күндүзгү окуудагы студенттердин күзгү спартакиадасы башталды. Бул тууралуу аталган окуу жайдын Кесиптик багыт берүү жана коомчулук менен байланыштар кызматы билдиришти.

Спартакиаданы ЭАУнун ректору, э.и.д., профессор С.А. Өмүрзаков өзү ачып берди. Аталган спартакиада студент жаштарды сергек жашоого, дене тарбияга жана спортко үндөө максатында өткөрүлөт. Муну менен бирге, спартакиаданын жыйынтыктары боюнча мыкты студенттер аныкталып, университеттин спорттун түрлөрү боюнча курама командаларына тандоо жүргүзүлүп, алар жогорку окуу жайлар арасындагы мелдештерге катышышат.

Спартакиадада волейбол, баскетбол, футбол, стол тенниси, чатыраш, аркан тартыш сыяктуу спорттун салттуу түрлөрү менен бирге спорттун улуттук түрлөрү болгон тогуз коргоол, таяк тартыш боюнча да мелдештер өткөрүлөт. Студенттик спартакиадаларды өткөрүү окуу жайдын мыкты салттарынан болуп калган, бул спартакиада катар саны боюнча жыйырма алтынчысы. Спартакиаданын жеңүүчүлөрүн байгелер жана акчалай сыйлыктар күтөт.

«Аймак»