1,685 Бардыгы /

Кыргызстанда социалдык тармакты активдүү колдонгондордун саны 2 жарым миллионго жетти. Ал эми күн сайын комментарийлерди калтырып, пост жазган колдонуучуулардын саны 2 миллиондон ашты. Ал эми мобилдик абоненттердин саны 9 миллионго жеткен. Бул тууралуу “Санариптештирүү дүйнөдө жана бизде” аталашындагы конференциясында КРнын Маалымат технологиялар жана байланыш комитетинин долбоорлорду ишке ашыруу бөлүмүнүн жетекчиси Калыбек АКМАТОВ билдирди.

Аталган конференция өлкөнүн ар кайсы областарындагы жогорку окуу жайларда экс-президент Роза Отунбаеванын жетекчилиги менен өтүп жатат. Негизги максаты санариптештирүүнүн алкагында ишке киргизилүүчү жаңы технологиялар тууралуу маалыматтарды элге жеткирүү болуп саналат.

Экс-президент Роза Отунбаева өз сөзүндө өлкөдө 2 миң 500 дөн ашык мектептер болсо аларда эмгектенген информатика мугалимдеринин саны бир миң жүзгө жетерин айтып, айылдарда сабактан сырткары ата-энелер үчүн да компьютер үйрөнүүгө шарт түзүлүшү керек деген пикирин билдирди.