1,247 Бардыгы /

Орусия Федерациясынын Мордовия республикасындагы колониялардын биринде жазасын өтөп жатып, өз жанын кыюуга аракет кылган үч тажикстандыктын абалы канааттандыраарлык.

23-октябрда Тажикстан элчилигинин өкүлдөрү менен жолугушкан соттолуучулар бул кадамга түрмөдөгү өтө катаал мамиледен улам барышканын айтышкан.

№22 түзөтүү колониясынын администрациясы кыйноо колдонуу фактысын четке кагып, бирок үч тажикстандык абакта жүрүү эрежесин бузгандыктан, жаза изоляторуна которулганын тастыктады. Алардын бири азыркыга чейин ошол жерде.

Буга чейин “Азаттыктын” тажик кызматы тажикстандык жарандар түрмө кызматкерлеринин аракетине каршы күрөө тамырларын кесип жиберишкенин кабарлаган.

Мордовиядагы №22 түзөтүү колониясында 100дөй тажикстандык соттолуучу бар.

Өз жанын кыюуга аракет жасаган үч тажикстандык тең маңзат сактоо жана сатуу айыбы менен соттолгон.

www.