861 Бардыгы /

            ОШ. Мамлекеттик Бажы кызматынын Оштогу кызматкерлери аткезчилик жол менен башылып бараткан  Rothmans  үлгүсүндөгү тамекинин чоң тобун кармашты. Мунун жалпы наркы азырынча 1 ммиллион 87 миң сом деп айтылууда.

            Маалыматка караганда, Мамлекеттик Бажы кызматынын Оштогу кызматкерлери Кыргыз жараны А. Ш. Ш. башкарган шектүү «Тойота Естима» автоунасын токтотуп текшеришкенде, ичинен он тогуз таңгак Rothmans  үлгүсүндөгү тамеки табылды. Булардын бардыгы жакынкы өлкөлөрдөн бажы мыйзамдарын одоно бузуу менен ташылып бараткандыгы ашкереленди.

Аталган факты Кылмыштардын Бирдиктүү Ресстрине катталды. Ал эми кармалган тамекилер Ош облустук прокуратурасына тергөө үчүн өткөрүлүп берилди.

Алишер ТОКСОНБАЕВ, өз кабарчыбыз