559 Бардыгы /

Европада жашаган тажик журналисттери жана активисттери Тажикстандын Улуттук банкы алардын ысымдарын терроризмге тиешеси бар кишилердин тизмесине кошуп койгонуна тынчсызданышууда.

Тажикстан бийлиги бул боюнча азырынча комментарий бере элек

Октярдын ортосунда Тажикстандын Улуттук банкы “террорчулукка катышы бар адамдардын” жаңы тизмесин жарыялаган. Тизмеге жалпысынан 2400дөй киши кирген. Алардын арасында чет өлкөдө жашаган Мавжуда Сохибназарова, Амруллох Низом, Хумайро Бахтиёр, Шухрат Рахматулло жана Мухаммадшариф Абдулло сыяктуу журналисттер менен активисттер бар.

Тизмеге кирген журналисттер жана активисттер Улуттук банктын кечирим суроосун талап кылып, болбосо сотко жана эл аралык түзүмдөргө кайрылышарын белгилешти.

Былтыр Европадагы Коопсуздук жана Кызматташтык Уюмунун (ЕККУ) чакырыгы менен 16 киши бул тизмеден чыгарылган.

Терроризмге тиешеси бар кишилердин тизмеси Мыйзамсыз жол менен табылган акчаларды адалдаштырууга каршы эл аралык уюмдун (FATF) талабынын негизинде түзүлөт.

www.