1,057 Бардыгы /

ЖАЛАЛ-АБАД. 2019-жылдын 1-октябрына карата област боюнча эсепте турган жалпы жумушсуздардын саны 34049 адамды түзөт. Расмий жумушсуздардын саны өткөн жылга салыштырмалуу 5945 адамга көбөйгөн.

Маалыматка ылайык, жумушсуздардын саны боюнча алдыңкы аймакта Базар-Коргон району турат. Мында 5460 адам жумушсуз деп табылган. Ал эми Токтогул районунда 2096 жаран жумушсуз болсо, Сузак районунда 1554 адам катталган.

Бүгүн коллегияда айтылгандай област боюнча 2647 жумушсуз жаран жумушка жайгаштырылган. Кесиптик окутууга 2019-жылдын 9 айында 706 адам жөнөтүлгөн. Убактылуу ишке орноштуруу максатында коомдук акы төлөнүүчү жумуштарга 2019-жылдын 9 айында област боюнча 1514 адам жөнөтүлгөн, бул өткөн жылга салыштырмалуу 27 адамга көп.

Кошумчалай кетсек, үстүбүздөгү жылдын 9 айында жумушсуз ДМЧАлар иш менен камсыз кылуу бөлүмдөрүнө 91 адам кайрылып, 85 адам кеңеш алышкан. Анда жумушсуз статусун 44 жаран алган. Жумуш менен камсыз болгондордун саны 37, анын 23ү бөлүнгөн квотанын эсебинен жумуш менен камсыз болушту.

Бүбүсара ОРОЗАЛИЕВА, “Аймак”