684 Бардыгы /

Мунайгаз тармагында кеңеш берүүчү Монакодогу Unaoil компаниясынын мурунку жетекчилери Казакстан чиновниктерине пара берүүгө айыпталууда. Бул тууралуу АКШнын Юстиция министрлиги кабарлады.

Маалыматка караганда, ага-ини Сайрус жана Саман Ахсани март айында коррупциялык иштерге барганын моюндарына алышкан.

Ахсанилер британ жарандары, алар 1999-2016-жылдары Алжир, Ангола, Азербайжан, Конго, Ирак, Казакстан, Ливия жана Сирия өлкөлөрүндөгү көптөгөн мунайгаз компаниялары менен кутумга барып, пайдалуу келишим түзүү үчүн бийлик өкүлдөрүнө пара берип турушкан.

Казакстанда алардан ким пара алганы жана каражаттын көлөмү канча экени айтылган жок. Казак бийлиги бул боюнча комментарий бере элек.

Ахсанилерге карата сот өкүмү 20-апрелде чыгат. Unaoil ирандык эмигрант Атой Ахсани тарабынан негизделген.

АКШ Юстиция министрлигинин маалыматына караганда, алар менен кошо компаниянын бизнести өнүктүрүү боюнча директору Стивен Хантерге да айып тагылган. Ал 2009-2015-жылдары ливиялык аткаминерлерге пара берүүгө көмөктөшкөнү айтылууда.

www.