2,101 Бардыгы /

Бүгүн 1-ноябрь күнү Жалал-Абад мамлекеттик университетине белгилүү коомдук ишмер Бекмамат Осмоновдун ысымын ыйгарылып, окуу жайдын алдына эстелиги орнотулду.

Аталган аземге Б.Осмоновдун үй-бүлөсү жана жакындары, окуу жайдын жамааты жана студенттер катышты.

Аталган окуу жайдын мамлекеттик тил жана социалдык иштер боюнча проректору Айгүл Дооранова бул окуу жай үчүн ысымды алуу сыймык экенин билдирди.

“Жалал-Абад мамлекеттик университетине  өз учурундагы мекенчил, жүрөгү кыргыз деп соккон белгилүү инсан Бекмамат Осмоновдун ысымын ыйгарылып жатат. Буга чейин 2017-жылы февраль айында окуу жайда Бекмамат Осмоновго арналган конференцияда резолюция кабыл алынган. Негизинен бул демилгени коомчулук, биздин жамаат көтөрдү. Бүгүнкү күндө демилге ишке ашты”,- А.Дооранова.

Эске салсак, коомдук ишмер Бекмамат Осмонов эмгек жолун Ош облусундагы асыл тукум кой заводунда зоотехник болуп иштөөдөн баштайт. Андар ары Жалал-Абад областынын биринчи губернатору, Жогорку Кеңештин 2 чакырылыштагы депутаты болуп эмгектенген.

Акылай КАРАБАЕВА, “Аймак”