2,247 Бардыгы /

Бүгүн 6-ноябрда Жалал-Абад шаарынын борбордук аянтында «Тарых жана ата-бабаларды эскерүү күнү» белгиленди.

Бул расмий эскерүү күндөрү кыргыз элинин таш карыткан тарыхындагы өтө орчундуу учурларды, далай кыл чайнашкан кыйын-кезеңдерден өтүп, бүгүнкү көз карандысыз мамлекет катары өз алдынча түндүк көтөрүп турган мезгилине чейинки окуяларды камтыйт.

Иш-чаранын жүрүшүндө ата-бабалардын урматына гүл чамбарлар коюлуп, куран түшүрүлдү.

“Бул күндү эскербей коюуга болбойт. Анткени буга чейин кыргызды кыргыз кылган канча азап чегип, курман болгон ата-бабаларыбызды унутпашыбыз абзел. Алардын аттарын тарыхтан өчүрүүгө, эл арасында унутулуп кетүүсүнө жол бербешибиз керек. Анткенге акыбыз да жок. Жаштарыбыз да ошолордон көбүрөөк таалим алып, өмүр жолун окушу зарыл”, – дейт А.Абдиев Жалал-Абад шаардык ардагерлер кеңешинин төрагасы.

Кошумчалай кетсек, 7-8-ноябрь – “Тарых жана ата-бабаларды эскерүү күнү” – деген жарлык 2017-жылы кабыл алынган.  Анда кыргыз мамлекеттүүлүгүнүн түптөлүшүндөгү мааниси зор болгон үч тарыхый окуяга басым жасалган. Бул күндөрү 1916-жылдагы окуя, 1917-жылдагы Октябрь революциясы жана репрессияга кабылган кыргыздын чыгаан уулдары эскерилет.

Бүбүсара ОРОЗАЛИЕВА, “Аймак”