1,719 Бардыгы /

Бир билет 6 евро болсо, демек, бир жылда СҮРӨТТӨН ЭЛЕ 3 млн. акча түшүп жатабы?

Ашыкпаңыз, бул бизде эмээс…

Маалыматтарга караганда, Германиянын байыркы Дрезден шаарындагы сүрөт галереясына келген көрүүчүлөрдүн бир жыл ичиндеги саны 500 миң чукул экен. Ошону 6га көбөйтө калганда.

Бул шаарга барганда мен дагы негизинен ушул галереяда эле айланчыктап жүрдүм.

18-кылымда Саксон башчылары тарабынан сатылып алынып, топтолгон 13-18- кылымдардага таандык нидерландия, италия чеберлерлеринин түп нуска эмгектерин көрүүгө Дүйнөнүн бардык булуң-бурчунан адамдар агылып келип турганына өзүм да күбө болдум.

Ымыркайларын ала жүргөн ата-энелер, айтор жаштардан тартып, таягын таянган кары-картаңдарга чейин, баары, баари ошол жерде дейин десем, чайна туугандар бир жүргөндө 100-200дөйү бир тайпага биригип, чурулдаган бойдон, барган жерди ээлей калышат экен ай, бир заматта.

Полотнодогу ар кандай образдар, емоциялар аларды кадала тиктеп турган адамдарды арбап же желкеден алып гана андан ары жылдырбай, тушап тургандай туюлат.

Бирок, ашкере ызылдаган, шарактаган эч ким жок, андагы аралаган адамдардын ого эле көп экенине карабай, пардон, сори, пардон, сори сөздөрү сыпайы гана айтылып, ал имарат ичи, чындап эле, маданият майданы экенине маани бербей кое албайсын.

Өз убагындагы башкаруучулардын кокуй, инвестиция климаты бузулат, бизге инвесторлор келбей коет… ызы-чуусу жок эле, мына ушундай көрөгөч мамыт болгондоруна да көңүлүм бөлүнүп кетсе болобу.Таңгөрү десе…

Дагы бир жакшы мамилеси, эгерде билетти эрте менен саат 9да сатып алсаңыз, кечки саат 6га чейин жарай берет экен, эгерде

мыжыгып эле, биздегидей, жолго, туш келген жерге таштап, ыргытып жибербесек, албетте.

Демек, бул да жөн эмес гоо деп калдым. Барып калган турист бул убакыт аралыгында аш-оокатын жегени же дүкөнгө барып калган учурда дагы, ошо эси-дартин галереяга кайрадан кирүүгө боло турганы ээлеп, кайра айланып келип, бир саат, бир күн, мүмкүн, бир жылда окулуп бүтпөгөн байлыктарды дагы бир сыйра карап алып, эч кандай аш-гөшү жок эле, буйруса дагы келээрмин илгери үмүтү-кыял менен азыктанып, имараттан кандай чыкканын билбей калгандай, тонкий-камырдан кыл сууругандай таасир калтырган инвестициялык климат тээ 3-4 кылым илгери эле бул жерде түптөлүп калганын карабайсызбы…

Зирек АСАНОВА, Дрезден шаары