883 Бардыгы /

СЕУЛ. Кыргыз Республикасынын Кореядагы Элчиси Динара Кемелова Корея Республикасындагы “Сэмаыль Ундонг”   бБрборунун Президенти Чун Сун үн мырза менен жолугушту. Анын жүрүшүндө болчокто айылдарды жана өрөөндөрдү өнүктүрүү боюнча пикир алмашышып, буга улай өз ара тажрыйбаларын дагы бөлүшүштү.

Кыргыз Элчиси Динара Кемеловаадегенде 2019-жыл Кыргызстанда Аймактарды өнүктүрүү жана санариптештирүү жылы деп жарлык кабыл алынгандыгын маалымдады. Ошол себептен улам Корея Борбору “СэмаыльУндонг” аркылуу Кыргызстандын айыл чарба, туризм жана  инфратүзүм багыттарында биргелешкен долбоорлорду жүзөгө ашырса болоорун дагы баса белгиледи. Бул өңүттө Кыргызстанда ийгиликтүү иш жүргүзүп келаткан “Жаңы айыл чарба кыймылынын” Президенти Асуан Жакыповдун аракеттерин баса айтуу жетиштүү. Ал эми аталган Борбордун Президенти Азия мамлекеттеринин ичинен Кыргыз Республикасы өрөөндөрдү өнүктүрүүдө  дарамети чоң экендигин жана бул багытта тыгыз кызматташууга болоорун бекем убадалады. Ошондой эле Кыргызстандагы чакан долбоорлор алыскы аймактардын өнүгүшүнө татыктуу киреше булагы боло алаарын дагы баса белгиледи. Андан ары тараптар Кыргызстандагы жергиликтүү өз алдынча башкаруу жетекчилерин, айыл лидерлерин  тажрыйба алмашуу Корея Республикасында айылдарын өнүктүрүү багытында биргелешкен  тренингдерде атайын катышуучуларынын санын көбөйтүү жагын орой-чарай талкуулашты.

МААЛЫМАТ ИРЕТИНДЕ: “Saemaul Undong” – Өзүнө өзү жардамдашуунун жана кызматташуунун  негизинде жергиликтүү коомдун  жашоочулары менен бирге жашоо-шарттын  сапатын жакшыртууга мүмкүндүк берүү, жергиликтүү жамааттын оожалуусу үчүн түзүлгөн кыймыл. Бул Уюм 1970-жылы Корея Республикасында негизделген.  Ушул тапта «Saemaul Undong” дүйнөнүн тогуз өлкөсүндө өз долбоорлорун  ийгиликтүү жүзөгө ашырып келатат. Борбор Азиядан  бул кыймылга  Кыргыз Республикасы гана катышууда.

Алишер ТОКСОНБАЕВ, өз кабарчы