12-ноябрда жарык көргөн соттун чечимине ылайык, бирикменин расмий сайты жабылды жана аларга тиешелүү маалыматтарды жана башка материалдарды өлкөгө алып келүүгө тыюу салынды.

Тажикстан Жогорку соту 14-октябрда Улуттук альянсты экстремисттик жана террордук уюм катары тааныган. Бир жыл мурун түзүлгөн бул бирикмеге төрт оппозициячыл топ – Ислам кайра жаралуу партиясы, «Эркин ой жүгүрткөндөрдүн конгресси», «Тажикстандагы реформа жана өнүгүү» жана «Борбор Азия мигранттарынын конгресси» кирет.

Тажикстанда Ислам кайра жаралуу партиясы 2015-жылы «экстремисттик» деп табылган жана анын ишмердигине тыюу салынган. Партиянын бир катар мүчөлөрү камакка алынган, айрымдары өлкөдөн чыгып кетүүгө аргасыз болгон. Укук коргоочулар бул партияга жасалган кысымга байланыштуу бийликти айыптап жүрүшөт.

«Тажикстан улуттук альянсынын» өкүлөрү сотун чечимин Конституцияга туура келбейт деп атады.