Аймак

НУР-СУЛТАНДА ТҮРТТҮРҮЛӨ ТУРГАН ДАЧАЛАР ҮЧҮН КОМПЕНСАЦИЯНЫ КӨБӨЙТҮҮНҮ ТАЛАП КЫЛЫШУУДА

НУР-СУЛТАНДА ТҮРТТҮРҮЛӨ ТУРГАН ДАЧАЛАР ҮЧҮН КОМПЕНСАЦИЯНЫ КӨБӨЙТҮҮНҮ ТАЛАП КЫЛЫШУУДА

 857 Бардыгы /

Нур-Султан шаарында ондогон жашоочулар акимчиликтин имаратына келип, мамлекет түрттүрө турган дачалар үчүн компенсациянын көлөмүн жогорулатууну талап кылышты.

Казак бийлиги борбор калаанын четиндеги 150дөй дачаны түрттүрүп, анын ордуна оорукана курууну пландоодо. Бирок турак-жайлардын ээлери мамлекет сунуштап жаткан компенсациянын көлөмү базар баасынан кыйла төмөн экенин билдиришүүдө.

Рауза Шакейбаева «Жашыл токой— 1» дачасында жашай турганын, үйү үчүн бийлик 9,9 миллион теңге же 25 миң доллар сунуштаганын, бирок шаарда бул баага турак-жай сатып алуу мүмкүн эмес экенин айтууда.

– Мага 17-18 миллион теңге беришсин. Болду. Андан көп сурабайм, – деди ал.

Чогулгандар менен Нур-Султан шаарынын акиминин орун басары Нурлан Нуркенов жолугуп, баа боюнча ар бир үй-бүлө менен макулдашылмайын, түрттүрүү иштери башталбай турганын айтты.

Акыркы жыйырма жылдан бери Казакстан борборунун четиндеги жеке үйлөр мамлекеттин керектөөлөрү үчүн түрттүрүлүп келет. Көп учурда турак-жай ээлери компенсациянын көлөмүнө макул болбой, сотко, мамлекеттик органдарга кайрылышат, нааразылык акцияларын өткөрүшөт.

WWW,

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17