1,038 Бардыгы /

ЖАЛАЛ-АБАД. Ушул жылдын 14-ноябрында ЭАУнун Эл аралык медициналык колледжинин студенттери кайрымдуулук акциясын өткөрүштү. Бул тууралуу аталган окуу жайдын  кесиптик багыт берүү жана коомчулук менен байланыштар кызматы маалымдады.

 Жалал-Абад шаарындагы К.Ш. Токтомаматов атындагы Эл аралык университеттин (ЭАУ) Эл аралык медициналык колледжинин “Медициналык айым” адистиги боюнча студенттери кайрымдуулук акциясынын алкагында Жалал-Абаддагы балдардын психоневрологиялык социалдык стационардык мекемесине барып, мекеменин кароосундагы балдарга бир катар кызматтарды көрсөтүп келишти. Алар балдарга медициналык тейлөө, жуундуруу, төшөнчүлөрүн жана кийимдерин алмаштыруу, бөлмөлөрүн тазалоо, ошондой эле балдарды сейилдетүү, тамактандыруу ж.б. иштерин аткарып келишти.  ЭАУнун медициналык колледжинин агай-эжекелери жана студенттери мындай кайрымдуулук акциясын аталган мекемеде жыл сайын өткөрүүсү бул окуу жайдын жакшы салттык көрүнүштөрүнөн болуп келет.

“Аймак”