1,875 Бардыгы /

Жалал-Абадмедициналык колледжинин 80 жылдыгы белгиленди. Бул аземге район шаардалардан медицина кызматкерлери жана жергиликтүү бийлик өкүлдөрү катышты.

Анда аталган колледждин 80 жылдык тарыхын чагылдырган чакан видео тасма коюлуп, окуу жайдагы студенттер үчүн түзүлгөн шарттар тууралуу кеңири баяндады.

“Жалал-Абад медициналык колледжи адистерди даярдоо боюнча башка колледждерден айырмаланып келет. Өлкө боюнча жалгыз биздин колледж 9 адистикти даярдайт. Бул жылдар арасында 40 миңге чукул адистер даярдалып, калктын ден соолугу үчүн эмгектенип келишет,”-дейт Алмазбек Абдылдаев, Жалал-Абад медициналык колледжинин директору.

Мыкты кызматкерлер өкмөттүн Жалал-Абаддагы өкүлүнүн аппаратынын, мэриянын ардак грамоталары менен сыйланышты.

Учурда аталган колледжде 1340 студент билим алып келишет. Окуу жайда көбүнчө  медайымдык иш, фармация адистиктерине студенттер көп тапшырышат.

Акылай КАРАБАЕВА, “АЙМАК”