985 Бардыгы /

БАТКЕН. Президент Сооронбай Жээнбековдун 2019-жыл Аймактарды өнүктүрүү жана өлкөнү санариптештирүү жылы деп жарыялоо жөнүндөгү Жарлыгынын алкагында республикалык бюджеттен жылдык үстөк пайызы алты гана пайыз болгон  2 миллиард сом насыянын  эсебинен Баткен облусунан сунушталган он долбоор жактырылды. Алар – айыл чарба продукцияларын кайра иштетүү, кен казуу, мал чарбачылыгы, балык чарба, текстиль жана медициналык кызмат көрсөтүү жаатындагы ири долбоорлор.

Колдоо тапкан долбоорлордун жалпы суммасы 71 милион сомду чапчыйт. Долбоорлордун ишке ашуусу менен облуста он жаңы ишкана дагы ачылып, 160 жаңы жумуш оруну түзүлөт.

Айтмакчы, Кыргыз Өкмөтүнүн Баткен облусундагыыйгарымукуктуу Өкүлүнүн алдындагы Инвестициялык бизнес, инфратүзүмдүк долбоорлорду жана өнүктүрүү Программаларын иргөө боюнча комиссинын кезектеги отуруму өткөрүлдү. Жыйында, ошентип, Кыргыз Өкмөтүнүн кароосуна мындан тышкары дагы 28 долбоор сунуш этилди.

Алишер ТОКСОНБАЕВ, өз кабарчы