873 Бардыгы /

ПАРИЖ. Францияга иш сапарынын алкагында Тышкы иштер министри Чыңгыз Айдарбеков Францияда жашаган мекендештери менен жолугушту. Анын жүрүшүндө Министр Кыргыз жарандарынын укуктарын жана кызыкчылыктарын коргоо боюнча Кыргызстандын чет өлкөлөрдөгү мекемелеринин иши өтө маанилүү багыт болуп эсептелээрин баса белгиледи.

Францияда жүрүшкөн Кыргыз жарандарына консулдук-укуктук колдоо көрсөтүү маселелери, Кыргыз-Француз мамилелери жана эки тараптуу кызматташуунун келечектүү багыттары боюнча дагы пикир алмашышты. Чет өлкөдөгү мекемелердин консулдук ишмердүүлүгүн оптимизациялоонун алкагында Министрлик тарабынан жүргүзүлүп жаткан иштер жана Мекендештер менен байланышуу боюнча Кыргыз Президентинин алдындагы Кеңештин ушул жылдын август айында өткөн жыйынынын жыйынтыктары туурасында дагы маалымат берилди.

Кыргызстандын Париж шаарында жакынкы убакытта Дипломатиялык Өкүлчүлүгүн ачуу боюнча Кыргыз Өкмөтүнн жүргүзүп жаткан иши жөнүндө Министр тарабынан өзгөчө айтылды. 
Жолугушууга ошондой эле Кыргызстандын Маданият, маалымат, туризм министри Азамат Жаманкулов дагы катышты.

Алишер ТОКСОНБАЕВ, өз кабарчы