1,522 Бардыгы /

ЖАЛАЛ-АБАД. Таш-Көмүр ШИИБи тарабынан «Көчө» аталышындагы алдын алуу иш-чарасы өткөрүлдү. Бул тууралуу Жалал-Абад ОИИБдин Басма сөз кызматы маалымдады.

Маалыматка ылайык, абанын температурасы төмөндөп, суук түшкөн мезгилде туруктуу жашаган жери жок атуулдардын өлүмүнө жана кылмыштуулукка бөгөт коюу максатында рейд жүргүзүлүп, көптөгөн аймактар текшерүүгө алынды:

– Паспорттук эреженин сакталышын көзөмөлдөөдө 1569 атуулду камтыган 357 кожолук текшерилди;

– Каттоодо турган психикалык жактан оорулуу 5 атуул текшерилип, бирөө Кызыл-Жар шаарчасында жайгашкан Республикалык психиатриялык ооруканага жаткырылды;

– Каттоодо турган 146 атуул текшерилип, эмне жумуш менен алектенип жаткандыгы боюнча түшүнүк каттары алынды;

– Эркинен ажыратылуучу жайынан жаңы бошонуп келген 2, шарттуу соттолгон 2 жана спирт ичимдигин көп ичкен 5 атуул каттоого алынып, тийиштүү иштер жүргүзүлдү;

– Туруктуу жашаган жери жок 1 атуулга жергиликтүү өз алдынча башкаруу бийлиги тарабынан туруктуу жашаганга 1 батирлүү үй берилип, 2 адам Кызыл-Жар Республикалык психиатриялык ооруканасына жаткырылды;

– Каттоодо турган 97 мергенчинин уруксат кагаздары, ок атуучу куралдарды сактоочу бөлмөлөрү, сейфтери текшерилип, 16 адамга эскертүү берилди;

– Оор жана өзгөчө оор кылмыштар боюнча издөөдө жүргөн адамдардын кайда жүргөндүгүн аныктоо максатында жашаган жерлеринен маалымат алуу үчүн иш-чаралар жүргүзүлдү;

– Коомдук коопсуздукту, кылмыштуулуктун жана ар кандай кырсыктарды болтурбоо максатында түшүндүрүү иштери алып барылды. Мындан сырткары 7 мейманкана, 4 өзгөчө кайтаруудагы объектилер текшерүүгө алынды.

«Аймак»