950 Бардыгы /

БИШКЕК. Кыргыз Республикасынын Өзгөчө кырдаалдар министрлиги тарабынан табигый кырсыктарды алдын алуу жумуштары туруктуу жүргүзүлүп келатат. Аталган иш-чара эки багытта жүргүзүлүп, капиталдык курулуш, оңдоп-калыбына келтирүү, авариялык калыбына келтирүү жумуштары жана атайын алдын алуу, ошондой эле кесепеттерин жоюу иштери күчөтүлдү.

Капиталдык курулуш, оңдоп-калыбына келтирүү жана авариялык-калыбына келтирүү алкагында коргоочу курулмаларды куруу, жээктерди бекемдөө жумуштарынын 2019-жылга карата  болжолдуу-планы 54 обьектте иш мерчемделип, кошумча 10 обьект кошулган. Өткөн он ай ичинде 56 обьектте жумуш толук кандуу аткарылды. Натыйжада биринчи багыт боюнча  43 обьект пайдаланууга тапшырылды. 9921 кожолук жана 6704 га айыл чарба аянттары корголду. Буга улай 1 мектеп, 1 ФАП жана 555 кожолук транспорттук  каттам менен камсыз этилди.

Ал эми алдын алуунун экинчи багыты – “Атайын алдын алуу жана кесепеттерин жоюу” иш-чараларын 2019-жылдагы Болжолдуу-планына 317 обьект киргизилди. Он ай аралыгында республикабыз боюнча 342 обьекте иш-чаралар жүргүзүлүп, 308 обьектиде иш бүткөрүлдү. Мындан тышкары 28 обьектиде иштер дагыле улантылууда.

Ошентип, аткарылган иш-чаралардын алкагында 11270 кожолуктун жана 3611,5 га чарба үлүш жерлерди, 62,5 чакырым ички чарбалык жол күтүлбөгөн жаратылыш кырсыктарынан корголду. Эки көп кабаттуу үй, 6 бала бакча, 1 ички чарбалык көпүрө, 2 мечит, 1 мүрзө, 1 ФАП, 1 ГСВ, 1 ЛЭП,  1 көпүрө сел коркунучунан сакталып калынды. 3315 кожолук туруктуу жол каттамы менен камсыз этилди.

Алишер ТОКСОНБАЕВ, өз кабарчы