717 Бардыгы /

ЭАУнун студенти каратэ-до боюнча республикалык мелдеште байгелүү орундарга жетишти.  Бул тууралуу аталган окуу жайдын кесиптик багыт берүү жана коомчулук менен байланыштар кызматынан билдиришти.

Бишкек шаарында спорттун каратэ-до SKIF түрү боюнча Кыргыз Республикасынын ачык кубогу өткөрүлгөн.

Аталган мелдеш Кыргыз Республикасынын мамлекеттик ишмери Турдакун Усубалиевдин 100 жылдыгына арналган. Бул кубокто К.Ш. Токтомаматов атындагы Эл аралык университеттин (ЭАУ) күндүзгү окуудагы “Юриспруденция” багыты боюнча 1-курс студенти Нурманов Алымбек 18-39 жаш категориясында, 65 кг салмагында 3 сыйлыкка татыктуу болду.

Анын ичинен 1 күмүш медаль – “командалык кумитэ” программасы боюнча, 2 коло медаль” – “кумитэ” жана “ката” программалары боюнча болду.

“Аймак”