914 Бардыгы /

Тажикстандын ар бир тургуну кийим сатып алууга (бут кийимди кошпогондо) жылына 300 сомониден (30 доллар) коротот. Бул тууралуу Эл аралык соода борбору тарабынан жүргүзүлгөн иликтөөдө айтылган.

Жыл башында жарыяланган изилдөөгө ылайык, орусиялыктар кийим сатып алууга жылына 260 доллар, кыргызстандыктар 30-35 доллар, өзбекстандыктар 35-50 доллардан акча сарпташат.

Изилдөөчүлөрдүн айтымында, тажикстандыктардын кийимдери кыйла көп түрдүү болгону менен, өлкөнүн катардагы жашоочусу бул максатта аз акча коротот. Тажикстанда акыркы жылдары кийим-кече сатып алууга байланышкан чыгашалар азайган. Алсак, өлкө жарандары 2013-жылы кийим сатып алууга 39 доллардан, 2014-жылы 42 доллардан сарптап келишкен.

Изилдөөнүн авторлору бул багыттагы чыгашалардын азайышын эмгек мигранттары которгон акчанын кыскаргандыгы менен байланыштырышууда. 2013-жылы Орусиядагы тажик жарандары мекенине 4 миллиард доллар которсо, 2015-2016-жылдары бул көрсөткүч 1,5 миллиард долларга чейин төмөндөгөн.

www.