1,122 Бардыгы /

Казакстанда сот көркөм муз тебүү чебери Денис Тенге кол салуу учуруна күбө болгон эки полиция кызматкерине карата иликтөө иштерин баштоону талап кылган маркумдун апасы Оксана Тендин арызын четке какты.

Оксана Тен инспекторлор – Адилбек Мусаев менен Азамат Нурпеисовду аракетсиздикке айыптаган. Денис Тендин өлүмү боюнча сот жараянында алар күбө катары өтүшкөн. Полиция кызматкерлери Денис Тенге кол салуу учуруна күбө болушканын, бирок алар келгенде спортчу эбак жаракат алганын билдиришкен.

Маркумдун апасы өз арызында уулунун өлүмүнүн алдын алууга болот беле деген суроону терең иликтөөнү суранган.

2018-жылы августта тартип сакчыларга карата «Оор кесепеттерге алып келген шалаакылык» беренеси боюнча катталган иш 2019-жылы мартта «кылмыш курамынын жоктугуна байланыштуу» тергөөчү тарабынан токтотулган. Бирок Оксана Тендин өкүлдөрү токтомго макул болбой, сотко кайрылышкан.

Адистештирилген район аралык тергөө соту арызды канааттандырган жок.

Денис Тен 2018-жылы 19-июлда бычак жегенден кийин Алматы ооруканасында кансырап каза тапкан. Тергөөнүн версиясы боюнча кол салгандар анын машинесинин күзгүсүн уурдоого аракеттенишкен. Ортодо чыккан мушташта спортчуга бычак сайылган. Полиция шектүү эки жигитти жана аларга көмөктөшкөн аялды көп узабай кармаган.

2019-жылы январда Денис Тенди өлтүрүү үчүн айыпталган эки киши 18 жылга кесилген. Аларга жардамдашкан аял төрт жылга соттолгон.

www.