716 Бардыгы /

14-январда Караганды шаарындагы сотто өлкөнүн энергетика министринин мурдагы орун басары Анатолий Шкарупага, «Турак жай-коммуналдык чарбасын өнүктүрүү фондунун» экс-төрагасы Кайсар Байдалыга жана ENERCO компаниясынын директору Ерлан Набиевге карата чыккан айыптоо корутундусу окулду.

Ага ылайык, мурдагы аткаминерлер «Ишенип берилген өзгөчө ири өлчөмдөгү каражатты ыйгарып алган» деп айыпталууда.

Тергөөнүн версиясына ылайык, Шкарупа Саран шаарынын акими болуп турганда көп кабаттуу үйлөргө жылуулук энергиясын өлчөө жабдууларын орнотууга акча каралбаганын жана борбордук буу казандын курулушу аяктабай турганын билип туруп, Набиев менен бирге кылмыштуу план иштеп чыккан. Аны жүзөгө ашыруу үчүн алар бул ишке «Турак жай-коммуналдык чарбасын өнүктүрүү фондунун» ошол кездеги төрагасы Кайсар Байдалыны тартышкан. Ал иштебей турган «Сарантеплосервис» ишканасына жабдууларды жеткирүү үчүн деп фонддун атынан ENERCO компаниясынын эсебине 215 миллион 89 миң 979 теңге (566 миң доллардан ашык) которгон. Бирок бул сумманын 104 миллион 427 миң теңгеси уурдалып, фондго ири өлчөмдө зыян келтирилген.

Сотто айыпталуучулар бул дооматтарды четке кагышты.

www.