638 Бардыгы /

Тажикстандык мигранттар мекенине депортация кылуу тууралуу соттун чечимине карабастан, Краснодар крайындагы убактылуу кармоочу жайда кармалып турушканын билдиришти.

Алардын айтымында, айрымдарынын убактылуу кармоочу жайга жеткирилгенине төрт айга жакындап калды.

— Мен Орусиядагы жашоо эрежелерин бузгандыгым үчүн сентябрда эле кармалгам. Соттун чечимине ылайык, 10 күндүн ичинде Тажикстанга депортацияланышым керек болчу. Азыр бул жерде 15ке жакын тажик жараны бар. Элчиликке чалсак, бизди депортациялоо тууралуу документтер эчак эле тиешелүү органдарга жиберилгенин айтышты, — деди мигранттардын бири.

Ал убактылуу кармоочу жайдагы шарттар «өтө начар» экенин кошумчалады.

Тажикстандын Орусиядагы элчилигинен мигранттар убактылуу кармоочу жайда айлап кармалып турганын четке кагышты.

— Биздин маалыматтарга ылайык, Краснодар крайындагы убактылуу кармоочу жайда Жаңы жылдын алдында кармалган жети мекендешибиз бар. Калганы майрамдан кийин кармалган, — деди элчиликтин өкүлү Бахтиёр Сангинов.

Укук коргоочу Каримжон Ёровдун айтымында, мигранттарды камакта кармоонун минималдык мөөнөтү 10 күндү, максималдуу мөөнөтү эки жылды түзөт.

Акыркы беш жылда 200 миңден ашык тажик жараны Орусиядан депортацияланып, алардын бул өлкөгө кирүүсүнө тыюу салынган.

www.