725 Бардыгы /

Тажикстандын Транспорт министрлиги Душанбе шаарында 2014-жылга чейин өндүрүлгөн автоунааларды такси катары пайдаланууга тыюу салды.

Бийликтин маалыматына караганда, күн сайын Душанбеде 2 300 автоунаа такси кызматын көрсөтсө, алардын жарымына жетпегени гана жаңы талаптарга жооп берет.

Душанбе шаардык транспорт башкармалыгынын жетекчиси Жумахон Давлатовдун айтымында, калаадагы такси кызматын көрсөткөн компаниялар эски автоунаалардан арыла башташты.

— Душанбедеги 11 компаниянын бирөөсүндө гана 2017-жылкы автоунаалар колдонулат. Калгандары акырындык менен автопарктарын жаңылай башташты. Жаңы эрежелер биринчи кезекте коопсуздук максатынды киргизилди. Заманбап автоунааларда бардык коопсуздук чаралары каралган. Биздин максат — коопсуздуктун жана тейлөөнүн деңгээлин жогорулатуу, — деди Давлатов.

Өз кезегинде шаарда эски автоунаа менен жүргүнчү ташып жан баккан айдоочулар бийликтин бул чечимине нааразы болушууда.

— Азыр кесиптештеримдин 60 пайызы эски автоунааларды айдап жүрүшөт. Алар машиненин ижарасын төлөө жана үй-бүлөсүн багуу үчүн күнү-түнү иштешет. Менин да унаам жаңы талаптарга жооп бербейт. Эми эмне кылабыз билбейбиз, — деди Ахмад аттуу такси айдоочусу.

www.