1,387 Бардыгы /

Өкмөттүн Жалал-Абаддагы ыйгарым укуктуу өкүлү болуп Нурболот Мирзахмедов дайындалды. Ал бүгүн областтын активине тааныштырылып, ишин баштады.

“Жалал-Абад областы мен үчүн жат эл эмес, бул жерде алгачкы ишимди баштаганмын. Ушул жердеги эл мени мындайча айтканда республикалык деңгээлге чейин жеткирген. Мен ойлойм биргеликте жумушту андан ары да улап, элге кызмат көрсөтө бермекчибиз. Мага ишеним көрсөтүп ӨКМ министри кылып дайындашкан, кечээги күнү чечим кабыл алып, бул кызматты сунушташты. Ишеним көрсөткөндөрүнө ыраазычылык билдирем. Бул кызмат кайсыл жакка жөнөтсө, ошол жакта таза, эч үчүн кызмат кылганга дайым даярмын”-деди Н.Мирзахмедов.

Ал эми буга чейинки Өкмөттүн Жалал-Абаддагы ыйгарым укуктуу өкүлү Кыянбек Сатыбалдиев кызматынан өз эрки менен кеткен. Ал бул кызматта 2016-жылдан бери иштеп келген.

“Учурда ден соолукту карап жатам. Үч жылдан бери бир күн ооруканада болобу, башкада болобу жаткан жокмун. Эми он күн болсо да ден соолукту карап, андан кийин дагы ойлонобуз. Элибизге, мамлекетке кызмат кылабыз. Жаңы жетекчиге ийгилик каалайм. Элибиздин арасында ынтымак боло берсин”-дейт К.Сатыбалдиев.

Эске сала кетсек Нурболот Мирзахмедов буга чейин Сузак районун акими кызматын аркалап, акыркы мезгилде КР ӨКМдин министри болуп турган.

Акылай КАРАБАЕВА, “Аймак”